ላባቴ ( ለጋሽዬ )
ሰው ብቻ አይደህም፣ ካፈር ወጥተህ ላፈር
መላክ ነህ፣ ሉሲፈር
ክብርህ ማንነትህ ፣ባመጽ የሚታፈር፡፤
የማትንበረከክ
የማትርመጠመጥ
ከባለጌ ዙፋን
በርጩማ የምትመርጥ፡፡
ያለ ባህር ሰርጓጅ
... ያለ ሙሴ በትር
በመታገስ ብቻ ፣ባህር የምትመትር፡፡

ካዘልከኝ ጀምሮ ፣እንኮኮ ጫንቃህ ላይ
ከፍታውን እንጅ፣ ዝቅታውን ሳላይ
እንደ ንሥር መጠቅሁ፣ እንደ ምስራቅ በራሁ
የገዛ ክንፎቼን ፣እንደ ዳንቴል ሠራሁ፡፡
በርግጥ ደሀ ነበርክ
ከሰላምታ በቀር የማታበረክት
ነጠላህ መናኛ፣ሰውነትህ የክት፣
በርግጥ ድሀ ነበርክ
የነጣህ፣ የጠራህ
ከጦርሜዳ ይልቅ ገበያ ሚያስፈራህ፡፡

ቤሳ ባታወርሰኝ አወረስከኝ ትግል
የትም እንዳይጥለኝ ፣ሕይወት እንደ ፈንግል፡፡

አባየ ብርሀን
አባ የምስራቅ በር
ገመና ሸሻጊ፣እንደ ካባ ገበር
አባቴ ባትሆን ይጸጽተኝ ነበር፡፡

በዉቀቱ ስዩምን አመሰግናለሁ ።…